最好的啟蒙英語教室

家---就是最好的啟蒙英語教室。
將英語融入生活中可以讓孩子輕鬆自然地學會。與其花錢耗時間接送孩子到playgroup，還不如在家從起床、梳洗、食飯、洗澡等等實際場景說英語。
先從每天都會講的簡單英語開始，給孩子建立一個英語環境。

此外，超市也是一個很好的學習場所時。您可以說:
I need to go to the supermarket.
Do you want to come with me?
幼兒很自然就會學到這個關鍵詞supermarket，以後聽到supermarket的時候, 就知道要去超市了。

Do you want to sit in the shopping cart?
我相信大多數幼兒都喜歡坐購物車，您用英語提問時 配合動作指住購物車, 幼兒就會明白, 去多幾次超市就能記住Do you want to 這個句型了。除了用shopping cart 這個詞外, 也可以用trolley。

來到生果區，您可以說:
Let’s buy some fruit. What fruit do you like?
這時候，就可以教幼兒生果的英語了。

待幼兒選好生果之後您可以說:
Sure, put them in the cart.
Let’s go to the checkout counter/cash-desk.

除了日常對話，去逛超市，用英語玩遊戲也是很好的方法。最簡單就是做指令:
Throw the ball.
Catch the ball.
Jump high.
Jump far.
Hold my hand.
Give me a kiss.
Give me a hug.
Stand up. Sit down.
Touch your nose.
Clap yours hands. Wave your hand.
Nod your head.
Drink the water.
Comb your hair.
Open the door/ the book/ your eyes/ your mouth.
Close the door/ the book/ your eyes/ your mouth.

澳門自動波輕型汽車一take pass筆記

<<澳門自動波輕型汽車一take pass筆記>>

我考車是一take pass的, 自問沒有天份, 只是勤力搭夠, 我每次學完都會趁仲有記憶mark低筆記。
現在分享下我學車時整理的筆記, 每個師傅教法唔同 , 口訣只供參考, 多練習最重要, 如有錯漏請指正。

-------------------------------------
考車評核標準（考試中心報告表)http://www.dsat.gov.mo/dsat/doc/063-DDAVC-DLC-v201610.pdf
駕駛考試操作指引: http://www.dsat.gov.mo/pdf/PracticalDrivingTest_BA_Cn.pdf
路線1地圖:http://www.dsat.gov.mo/pdf/Car-No1.pdf
路線2地圖: http://www.dsat.gov.mo/pdf/Car-No2.pdf

參考youtube私家車走1號線: https://www.youtube.com/watch?v=3MGIygwYBig
S字泊位示範影片: https://www.chungwads.org/video-car-s-parking/
三前兩後示範影片: https://www.chungwads.org/video-u-turn/
L字泊位示範影片: https://www.chungwads.org/video-car-l-parking/
另外可以加入[澳門考車攻略]這個facebook社群討論: https://www.facebook.com/groups/144447489382291/
仲有玩下手機app[停車達人4]會對泊車有些幫助

---------------------------------------
以下先分享下前輩們考車衰乜。
握軚時手指公豎起飲左。師傅話只有一個考官會捉手指公。
開車無放手掣飲左。
車門無關好就開車飲左。
出車場時太貼鐡絲網飲左。
地上跌了個招牌, 繞過去時忘了打燈飲左。
有修路工人企在班馬線旁監察工作，照過即飲。
有人衝出黎截的士，急剎即飲。
交警十字路口指揮交通, 係斑馬線行左半步，照過即飲。
一開波入錯波即飲。
S位泊完去倒後區轉錯波。
被的士爬頭, 無讓佢，衰危險駕駛。
花壇擋視野，有車衝出黎，即飲。
停埋一邊，再出發時，前面泊左三部車，借線出去，未過完果三部車，右線駛過一部車，飲左。
熄左匙，無拉手製飲左。
所有野都成功考完，最後落車無熄匙飲左。
行過水氹，水花濺去行人路。
最後泊L位，兜咗一個圈搵唔到個位飲左。

----------------------------------------

考試流程:
帶身份證, 聽到叫名就去檢錄室登記, 簽紙同不同意錄音, 按個enter掣抽路線, 我會建議不同意錄音, 因為如果選同意錄音, 就會失去好考官提示或酌情的機會。
準備考試時, 師傅會車住你去S位, 熄匙, 當考官出現, 考官會同你講考試時間45分鐘, 現在倒後泊X號位, 準備好可以開始。
首先達車, 然後記住呢個步驟, [打燈入波鬆手掣], 記得係同時的一套動作, 就不會漏。
考試流程係S型泊車>三前兩後倒後>路試>L型泊車

S型泊車
打左燈, 入R波, 望清楚後面有無車有無人,望車位左後方自己車位枝X號柱消失後停車, 扭左軚一圈, 繼續倒後, 右鏡見到X號車位的雪糕筒停車, 扭右軚一圈, 繼續倒後, 望右細鏡, 右後輪剛好入左泊車框線時, 扭盡右軚, 繼續慢慢倒後, 看左鏡裏左後輪與框線平行, 車身回直, 回軚, P波, 拉手掣。
**要確定泊好後才P波拉手掣, 如泊不好可直接再來一次。
S位泊好後, 考官會過竹黎同你講泊幾號倒後區。
打右燈, 轉D波, 鬆手掣,睇清楚無來車後, 慢車扭盡右軚駛離S位去倒後區。

三前兩後倒後:
R波, 打右燈,慢慢放腳掣, 見到右肩過左地上黑線, 扭右軚一個圈, 過雪糕筒隔離的桿扭多半個圈。 望左鏡, 見到第7枝桿回左軚回半個圈, 見全部桿再回左軚半個圈, 與桿平行(即車身已回直)回半個圈, 繼續倒後, 左窗口見到第4柱, 剎車, 然後做第一次前進, D波, 慢慢放腳掣, 維持極慢車速, 扭盡右軚, 差不多撞柱前剎車,R波, 踩住腳掣向左回軚1圈半,輕輕鬆腳掣維持極慢車速,繼續左軚扭盡, 差不多撞柱前剎車, D波, 踩住腳掣向右回軚1圈半,輕輕鬆腳維持極慢車速向右扭盡, 呢個位好快就到撞柱位, 差不多撞就停, R波, 踩住腳掣向左回軚1圈半,輕輕鬆腳掣維持極慢車速,繼續左軚扭盡, 差不多撞就停, D波, 踩住腳掣向右回軚1圈半,輕輕鬆腳維持極慢車速向右扭盡,左窗見到第2條桿停, P波拉手掣,等考牌官上車, 打右燈, 去路試。
斜路停車:
轉上山後就邊行邊等考官叫路邊停車, 聽到指示就打左燈,睇倒後鏡, 靠左停(扭左軚, 待黃線在左雨檔突起咁上下位置, 扭少少右軚, 車回直後踩腳掣停車, 拉手掣（不用入P檔，因為不是泊車, 只是停車)

斜路起步:
打右燈 ,腳放定在油門, 睇倒後鏡, 望右邊, 睇定無車鬆手掣比油扭少少右軚出去(不要走左去隔離線, 實線,雙向行車), 關方向燈。
急刹:
唔一定會考急剎, 我無考, 如考, 位置只會在落橋後那條大直路, 佢只會講一聲:停車!
然後你你就要即刻做,咩都唔好理, 就即刻一腳踩腳剎到底, 同時,捉實軚盤,雙手微曲 打右燈, 出反車就可以了。

L型泊車:
在目標泊車位的前1個半車位停下(即如泊11號車位, 就停在13號車位的中間位置), 踩腳掣左軚扭盡, 倒後時留意有無人或車在範圍內, ,見到入泊車框, 兩邊等寛, 繼續後, 車行直就可以回軚, 右窗見到肩膊與數字平行後停,P波拉手掣, 熄匙。
如入泊車框時偏右的話, 只需KEEP住左軚(本來已經是左軚扭到盡)待兩邊等寛後回軚直後, 右窗見到肩膊與數字平行後停車, P波拉手掣, 熄匙。
如入泊車框時偏左的話, 右軚扭盡,待兩邊等寛後回軚直後; 右窗見到肩膊與數字平行後停, P波拉手掣, 熄匙。
**要確定泊好後才P波拉手掣, 如泊不好可直接再來一次。
--------------------------------------------------

以下是注意點:
過迴旋處:
入迴旋處都是先打右燈, 讓迴旋處的來車過晒先入線。
出旋處時打左燈, 望倒後鏡，如果有車就放慢車速，看看後車讓不讓, 無車就快D切線。

記得提前轉右線:
1.機場大馬路過左永利皇宮紅屋頂就切去右線
2.差不多到科大就切去右線, 但有時如果塞車車龍好長, 可提前一點去右線

斑馬線前記住3件事:
1. 減慢車速, 以防有人衝出黎。
2. 望住斑馬線2邊有無人想過馬路, 留意動向, 行人完全離開斑馬線才可以起步。
3. 看斑馬線前面會唔會夠唔夠位行, 唔夠位就在停止線前停。

一出車場轉右時就有斑馬線,無留意有行人。
時刻保持至少一隻手握軚。
落雨時注意車速慢少少。
隨時留意路面情況, 行人, 交通燈, 有無車插埋黎。,
落斜要收油。
注意下山後回車場的迴旋處有2處交通燈。
迴旋處打燈注意會自動熄燈, 聽聲由有答答聲變左無就要再打燈。
下山轉2波, 到STOP線必須轉D波
熟記檔位, 唔好入錯波: P-R-N-D--2
記住限速位和易踩線的實線位。
入迴旋處看清楚花壇有無擋住一電單車
上斜泊埋一邊小心個禁止停車符號

前面塞緊車時, 維持住剛好見到前車的車輪就OK, 距離太遠的話會有其他車趴頭
如何維持車在中間: 要找參考點, 就是當車在路中間時, 路的兩邊白線在車的交點, 右邊我是找車前窗與A柱的交點, 左邊我是找左邊雨撥微突的位置, 不同的車可能是不一樣的, 自己找找看, 記得, 用眼的余光看到就行, 不要一直盯著看, 定住眼望邊度就撞邊度

望倒後鏡時不要一直盯著看, 如果是過不了線, 就看前面繼續直走, 2秒後再看鏡, 這樣才不會因為看鏡將車走歪了。

直角彎: 側鏡去到與障礙物平行開始快速扭軚一圈半,
入彎前，收到車速去到15左右, 腳放係油門準備，唔好俾油住，回軚後就俾返少少油，咁就會過得好順。
上雞頸馬路個彎位, 同平地唔同, 車速維持在30左右先夠力, 定住個油門唔好鬆腳, 開始入彎就扭軚半圈再半圈就夠, 唔洗扭1圈半咁多,
回軚唔洗急住回晒軚, 比如入彎是扭軚一圈半, 到車差不到行直大約11點方向開始勻速半圈接半圈回軚, 車行直左才回最後半圈軚就不會行歪了。

第一次出街前就要google map下路線, 知道大約點走, 如果有條件, 甚至可以搵人車你走一轉
第一次出街記清楚入回旋處走邊條線
練S位泊車可以落車睇一睇後面有幾多空位。
練三前兩後, 建議去到一個你心目中就黎撞的位, 落車睇一睇心中有數

如何請到好工人?

以下是我挑選工人的心得, 僅供參考。
啱用的話歡迎like and share
-----------------------------------------------
首先，向中介講清楚自己的要求，可找多幾間中介漁翁撒網, 讓中介初步篩選工人。
例如: 要求stay out 8am~8pm，要照顧3歲幼兒及4個月嬰兒。主要工作包括家務清潔、 接送、煮食。 想要的工人是 visa第一次來澳門12日內，30歲、五官端正、中等身材、有湊小孩經驗、不要斷約工人。
-----------------------------------------------
面試時要做好以下事項:
-----------------------------------------------
A.要查閱passport:

1.最好要選剛到澳門12日內的, 看看visa來澳門超過12日即代表一般已試工3次都無人要, 表現差或者揀工的機會相當高, 搏唔過。

2.看去過哪些國家(工作經歷的國家)

3.看看年紀。如要湊小孩，就需要一位富湊小孩經驗的40歲以下的工人，皆因她們有育兒經驗，體力又足以應付。我自己是偏好找35~40歲左右，思鄉或懷孕, 呃機票的機會相對較低，。
-----------------------------------------------
B.留意工人外表:

1.選身材適中的, 不要有大肚腩, 一般勤快做家務的人不應有大肚腩, 而且太肥都易有毛病。

2.留意指甲會不會太長,黑邊, 腳趾甲有無灰甲(如果看得到), 頭髮會不會很笠, 多頭皮。

3.最好選擇打扮樸素, 無紋身, 無化妝最好, 樣子平庸。

4.留意精神面貎, 不要一副病容或很累的樣子。
-----------------------------------------------
C.詢問工作經驗:

1.你在其他國家工作過嗎?在哪裏?何時?
Did you work in other foreign country before? When and Where ?
曾在中東或新加坡工作過的加分, 由香港過來的最好不請, 搏唔過, 很多比香港僱主炒出黎的家傭來澳門搵食, 就算是完約, 都很可能是由於香港中介費過萬元, 所以頂硬上請到完約。另外香港規定家傭最低工資為港幣 $4,520, 比澳門高的, 如果做得好地地, 點解要過黎。

2.你之前的工作內容是什麼？
What did you do in your previous employment?

3.你的前僱主家裏有多少人？
How many people are there in your previous employer's house and who are they?

4.你為什麼要離開之前的僱主？
Why did you leave your last job?

最好不要請斷約的, 她們會有各種理由解釋為何前僱主解僱她, 例如僱主移民, 小朋友長大了, 照顧的老人家仙遊, 僱主突然要求stay in/ stay out , 但事實係如果由於僱主本身的情況導致要解僱家傭, 而家傭表現是不錯的話, 僱主通常會主動幫她找新僱主。另一種情況是自己向前僱主請辭, 解釋的原因不外乎僱主刻薄, 例如無飽飯食, 完全無得休息, 被人打，我覺得機會比較低。
-----------------------------------------------
D.向工人講述一下自己家裏的情況以及她需要負責的任務，提到某一特定的責任或工作時，如果她有任何不愉快的表情就最好不要聘請她。
例如:
1.目前我家裏有___個人，____個月後，我們家裏將會多添一個小孩子。對你來說是否責任太重？Currently I have___ people in the house and____months later, we are going to have one more kid. Will the duty be too heavy for you?

2.我需要你在早上_____點醒來，為我的孩子準備早餐？對你是否太早？I need you to wake up at ___ am in the morning to prepare breakfast for my kid? Is it too early for you?

3.我有一個___個月大的嬰兒，晚上會醒來一次喝奶，你是否可以在晚上起來一次喂她？ I have one baby who is ___months old and she will wake up once at midnight and you will need to feed her.
-----------------------------------------------
E.其他問題:
1.你能做什麼樣的菜式？你能告訴我們如何準備某一菜式？ What can you cook? Can you tell us how to prepare this?

2.如果我的孩子哭個不停而我又不在，你會怎麼處理？ What will you do if my child cries non-stop and I am not around?

3.如何哄幼兒睡覺？How to make baby sleep?

4.你家裏有小孩嗎？Do you have children at home?

--如果無小孩: 問她: 你喜歡小孩子嗎，你願意學習如何照顧小孩子嗎？ Do you like kid and are you willing to learn how to take care of kid?

5.你覺得在什麼時候使用手機比較恰當？When do you think is an appropriate time for you to use cell phone?

6.你能描述一下你的日常工作活動，如你什麼時候醒來，一天裏面做些什麼？Can you describe your daily work activity like what time you wake up and what you do?

7.你有什麼宗教信仰嗎？Do you practice any religion?

8.你身體有什麼疾病？你有在服用任何藥物嗎？Do you have any medical conditions? Do you take any medications?
-----------------------------------------------
溫韾提示:
1.定立工資要跟市場價, 勿以為出多些工資就會吸引到好工人, 更大機會吸引到貪心的工人。做得好可設立獎金,例如不遲到早退加bonus。
2. 為確保驗身報告正確無誤, 建議親自帶工人去做驗身, 向工人及中介說明驗身費必須要工人自己先出, 做滿3個月還給她。有很多工人一入藍卡就呃機票走, 僱主連驗身費都蝕埋,此舉是避免此類專呃機票之人。